Joko Bundau

Yo hing koyo Joko Bundau
Ceritane lare osing hang lugau
Mancing ring pinggire segoro hang sintrau
Palesane nganggo bebekanne wong nutau
Nganggo dadung teko kulite warau
pancinge digawe teko dondomane sepatau
Bandulane nganggo watau
Umpane ganyong wernane birau
Dasare joko Bundau
Emake takon " Hiro mancing kok gedigau" ?
Joko Bindau mesem ambi gemuyau
Ring dino Sabtu malem minggau
Joko Bundau Mancing ring pinggire segoro hang sintrau
Sampek pirang-pirangane minggau
Joko Bundau ambi nunggoni pancinge hing tau turau
yo hing tau tinggal sembayang limang waktau
Saben dino emake ngirimi sangau
"Paran hang hiro pancing Joko Bundau" ?
Joko Bindau mesem ambi gemuyau
Sangking sabare joko Bundau
Umpane digowo iwak hiyau
Sing keroso Joko Bundau katut digowo iwak hiyau
Kerosone serto iwak wis mandeg Ring ngarepe umyah hang meromong berkilau
Joko Bundau dilajokaken melebau ring kamar tamau
Wong hang nglajokaken sejatine yo iwak iku mau
"Sampean ngajengaken nopo Joko Bundau" ? Nopo emas; berlian Nikau" ?
Joko Bundau mung mbatin " Ilmu, ilmu, ilmau "
Yeeh " Ilmau " ?
"Enggih Guru" jawabe Joko Bundau
"Yo niki pun teken sampean beto Joko Bundau"
"Jazaakumullah Guru .... Wassalaamu 'alaikum Wr Wb "
"Wa'alaikum salaam Wr. Wb... Joko Bundau"
Joko Bundau pamitan metau
Gadug ring pinggire segoro hang sintrau
Emake wis sedino seweng nunggau
Teko ngendai siro Joko Bundau
Dugi nggeriyane pak Gurau
"Diweni paran siro Joko Bundau" ?
"Niki Mak teken Kayau"
"Al Hamdulillah" emake meluk Joko Bundau
Teken Kayau
Joko Bundau lare osing lugau